人生就是一場大型化學作用

人嘅行為，都係因為一啲情感、又或者係身體嘅慾望而導致嘅。而呢啲情感同埋慾望，都可以話係身體裡面一啲分泌，又或者係一啲化學作用而成。

例如一個樂觀嘅人，可能係因為佢個腦釋放嘅安多芬比較多；一個為食嘅人，可能係因為佢個腦部畀咗啲訊息消化系統，引發消化液分泌，而令到個人想食嘢；鍾意一個人，可能係因為身體裡面嘅荷爾蒙影響所致...等等。

如果呢個世上真係有鬼，佢哋冇咗身體，冇咗嗰啲化學作用，照計應該唔會有任何慾望，亦都唔會有任何情感先啱。鬼應該唔會再鍾意生前鍾意嘅食物、事情、甚至人。冇咗呢啲慾望，照計就唔會再有任何後續行為，例如報仇、報恩、咸濕等等嘅行為先啱。

定係人嘅鬼魂，其實都係一堆細胞嘅靈魂組成，所以依然會有某程度上嘅運作呢？

點解我成日都會諗埋呢啲嘢嘅呢？